知道Twin Flame概念嘅人，唔多唔少都試過問「佢係咪我Twin Flame」呢個問題；亦都有唔少人試過今次test到佢係你Twin Flame，下一次又話唔係。

今日想分享兩個關於Twin Flame的迷思。

（一）：

「唔好當佢係Twin Flame 唔該當返佢做一個普通人」

我本身都有做Twin Flame Reiki既關係，都接觸到頗多有Twin Flame問題的人。
好多client黎到會話：「佢係我Twin Flame 所以我好想搵返佢/對佢好啲/想療癒同佢既關係」，仲有好多人會話「我好想幫佢」（尤其係當Twin Flame係一個冇血緣關係既異性）

喂搞清楚喎，你係真係喜歡呢個人/想同呢個人一齊，定還是因為佢係你既Twin Flame，所以你先想做啲乜野去鞏固呢段除左呢個Title之外其實冇咩維繫到既關係？

所以我做healing時一定會講呢句：唔好當佢係Twin Flame，唔該當返佢做一個普通人。

假設佢唔係你Twin Flame，你仲係咪想同佢發展？仲係咪想同佢繼續來往，或者有更多可能性？如果係，咁其實佢係咪真係Twin Flame ，有冇呢個名銜根本都唔重要。
鍾意就係鍾意，想繼續就係想繼續，唔好試圖用Twin Flame去綑住你同佢。而且如果係真Twin Flame，你地之間都會繼續有更多連繫，根本唔需要你咁用力去做咁多。

放開對療癒Twin Flame既執着，要黎自然就會黎.
-
（二）：「假Twin Flame」

假Twin Flame唔係人人都會有，但出現得就係有野要你學，係一個類似宇宙為你面對緊既靈性課題安排一個推動你成長的角色。

上Twin Flame Reiki既時候，老師都分享過佢曾經遇過一個幫助佢更了解自己靈性事業的假Twin Flame，而我本人係開前一間鋪頭前兩個月都遇到過：

當時我與前Partner Suki未係太熟，我地亦都冇打算做靈性工作。

正正係因為遇到呢位假Twin Flame，我同假Twin Flame同樣地係瞬間被吸引，覺得一拍即合，大家好投契(好似真Twin Flame咁)
而Suki正好學左天使牌，我就搵佢占卜左幾次。結果我同假Twin Flame瞬間又踏入分離期，於是又搵Suki狂占同傾訴，傾下傾下大家就變得好熟，係咁樣既情形下，Rapha極快誕生。

而開左店之後呢，我同假Twin Flame就徹底地完左了lol
所以絕對可以話係假Twin Flame幫助我踏入靈性呢一條路。

有機會你而家遇到的Twin Flame都只係一個幫助你靈性有所成長的角色。
所以更加應該放開對Twin Flame既執念：如果係真，就算你咩都唔做，點都會繼續落去；
就算唔係，喜歡就係喜歡，唔需要用Twin Flame呢個概念嘗試捆綁住自己。


祝大家放開對Twin Flame既執着
能夠自在做你喜愛事幹。

Jeanie
March 2020