大學時代讀過的一個理論 .
.
一個佛陀提出的萬法唯心論：「萬法唯心造，諸相由心生。」
簡單啲講，即係現實生活中所有遇到的煩惱、痛苦，挫折同際遇，全部都係由你的心所顯現出來；其實西方都有類似的理論，叫「信念創造實相」。 .
.
最近手上幾個個案都正好面對人生的低谷，不斷出現佢地最恐懼發生嘅事：離婚、分手、失業、家庭出現問題、一張單都開唔到等等，而佢地處於呢種狀態時，同樣地都會覺得自己係弱者啦，冇野可以做到啦，做咩都只會更worse，然後陷入繼續恐懼，件事又變得更差既景況。

當然我唔會講呀你正面啲啦正面思考就會變好架啦呢啲講完一定比人打嘅說話，但係有樣野一定要知道的是：當你不斷重複思考你所害怕發生的事，呢種恐懼的力量一定更強，令到你唔想發生的事更容易發生。

係神婆的系統中，意念絕對係最重要的一環。
當呢個世界所有事物都係中性，你所得到的結果就好視乎你的input帶住一個怎樣的filter。如果你睇人、睇事、睇自己都覺得好差，覺得自己唔值得擁有豐盛，你所得到的結果一定就係你所想的狀態。
再延伸落去，有時我地抱怨家人、同事、另一半點點點，覺得佢地邊樣唔好，其實可能都係自己嘅思考模式有糾結，而你將自己嘅思維套落人哋身上，於是你眼中嘅對方就係你所討厭嘅。

只要你諗返轉頭，問吓自己點解我會討厭呢一樣嘢，就可以從中發現自己的思考模式邊度出現問題。只要挖到自己個結，你眼中的缺點就自然會消失。

萬法唯心造，諸相由心生。你所得到的實相，都係你自己所創造出來的。
如果你呢一刻都咁岩面對緊困境，不妨都搵一個時間自己認真深思一下，會唔會都係源於你的思想都帶有負面的filter呢？
當清理及調整好自己的思考模式，相對你的困境都會有所改善。

 

祝福大家都可以好好向內向，改善當下的困境。

 

Jeanie

March 2020