當刻的事已經夠煩惱了，就不再要「貸款憂慮」了

當刻的事已經夠煩惱了，就不再要「貸款憂慮」了

我知我講左好多次
不過仍然有好多朋友仔天天都「貸款憂慮」
為着根本不確定、充滿未知，而且你無法控制的事而煩躁和感到壓力

「如果我三個月後搵唔到工咁點算？」
「萬一我轉左新公司之後點點點點點咁點好？」
「我而家同佢都幾好，不過我驚之後會點點點點啊！」

每日收到的占卜及魔法查詢中，其實八九成都有類似既問題
就係因為驚，亦出於想掌握多少少件事，好多事都想占一占卜
當然，塔羅係可以預測之後的走勢，比你知道點樣行會更加好
但有時候，香港人，放鬆啲啦
你之後搵唔到工，係之後既事；
你驚同另一半會有爭執矛盾，咁都未發生呀；
甚至乎，你日後要行的路，而家都未行第一步，你點知之後會唔會有轉變呢？

更何況，未來的魅力就係在於我地掌握唔到，控制唔到
好似玩大富翁，你都唔知自己下一步會踩到人地塊地，定係坐監～
如果事事都plan好哂、諗到100%完美先放心，咁人生實在太攰啦

與其要不斷虛構唔同的情景自己嚇自己
不如好好把握當下可以做到的事，做好自己可以改變的部分
根本未發生既事，就唔好貸款借定返黎驚喇

只要你願意放鬆，宇宙一定會為你安排最合適的人事物。

祝福大家都有美好的一天，唔需要貸款憂慮～

Ps. 難得賣下廣告，如果真係好多野煩好想件事好啲，其實都係用下魔法產品最好～

Jeanie
2021