近來黎搵我/買嘢嘅客人，有意無意都提及到一啲恐懼：

例如驚俾人炒、驚減人工、驚行業嘅競爭太大、驚客戶會離開，

嚴重喺上黎更加會無時無刻都諗住工作，好想自己做得更完美，吸到更多更多更多錢。

 

想事業順利，當然可以用唔同嘅魔法產品啦。

但值得留意嘅係，恐懼背後嘅到底係咩呢？

係對市場嘅憂慮？係對未來嘅不安？定係對自己唔夠信任呢？

 

我一直都好相信，只要你做好自己，順應宇宙嘅安排，佢哋一定唔會俾你死。

以網店為例，坊間越來越多唔同嘅店舖，

而且網店冇門檻，任何人都可以成為一個店主/老師，

做代購更加係人人都可以自己上網買，

但只要你有你特別嘅地方，一定會有客人睇到feel到而搵你。

 

就好似人哋種咗棵好靚嘅花，唔代表你個棵會唔靚㗎嘛～

與其不斷望住人哋做得好好嘅產出，不如專注自己、做好你可以做到嘅嘢先啦。

 

呢個世界冇不勞而獲，而家做得未夠好唔代表你永遠都會做得唔好，

只要清楚知道自己嘅定位同賣點喺邊度，努力耕耘，一定會有發光嘅一日。

 

祝福大家可以少說話多做事，少啲比較，做好自己啦。

Jeanie
2024