成日見到有人會以為占卜、魔法、療癒等於全能，只要比左錢，做幾次療癒/魔法儀式，就可以咩都唔做等結果到。

的確，當宇宙知道我地有願望，佢會盡可能幫助我地完成，但宇宙永遠唔會直接比你想要的結果你，而係會幫助你清除路上的阻礙，亦會幫你開創不同的路，令你朝住願望向前行時更順利。
 

我時常都同大家分享，呢個世界冇不勞而獲 ── Free is not Free。
如果只係做下儀式、買隻精靈、做幾次療癒，靠比幾個錢就可以清理業力、可以生活一切順利、可以復合成功，咁我做一百次儀式，就可以呢世唔憂啦，洗乜工作呢？根本唔需要努力，亦唔需要用心去經營所有野啦係咪？


生命之所以珍貴，在於每一段路程都是我們一步一步踏出來的。
你想得到甚麼，就要付出同等的價值。

如果你想得到更多金錢，你需要在工作上付出。
如果你想在愛情上順遂，你需要尋找對象，再用心相處，好好經營。
如果你想處理靈魂課題，你必須經歷、體會、感悟，釋放。

當中沒有一步，是可以不勞而獲的。

 

當然，做許願、儀式、療癒的確可以幫助我們減輕身上的負擔，讓我們步向目標時走得更輕易。但與此同時，你要做的必然係付出及努力，比宇宙見到你的堅定，咁樣先係幫助你願望達成／完成課題的唯一的路。

 

呢個宇宙向來都是等價交換，付出多少，宇宙會知道；你應當收獲多少，宇宙也會給你多少。所以，看到走捷徑的人，無需在意、憤怒，向前看，走好你的路就好了。

 

祝福大家都可以在目標的路上堅實地向前走，收獲屬於自己的果。

Jeanie
Oct 2020